Tito Livio

Da Wikipedia, ła ençiclopedia libara.

Tito Livio (Padoa, 59 a.C. – 17 d.C.) el xe stà un stòrico e autor łatino, che gà scrito na monumentałe storia de Roma, Ab Urbe Condita, da ła so fondasion (come dixe anca el titoło), tradisionalmente datà 21 de apriłe 753 a.C.) fin al regno de l'inperador Augusto.

A 24 ani el xe ndà a Roma, e anca se a l'inizsio i so detratori i lo acuxava de patavinitas, cioè de esar soło che un provinciałoto, el sà inposto ben presto come uno dei mejo storici de ła so epoca. Quando Augusto xe deventà princeps (27 a.C.), el xe riusìo a entrar in presia ne łe so grazsie. Dopo de ché el se gà dedicà a ła redasion de l'Ab Urbe Condita par çełebrar Roma e el so inperador. El xe stà anca incaricà de l'educasion de Claudio, el futuro inperador.