Giulio Bedeschi

Da Wikipedia, ła ençiclopedia libara.

Giulio Bedeschi (Arzignan, Vicensa, 31 de genaro 1915 - Verona, 29 de diçenbre 1990) el xe sta on scritore vèneto, noto soratuto par el łivro Centomila gavette di ghiaccio. Ła produsion leteraria de Bedeschi, in parte autobiografica, ła trata soratuto łe vicende del corpo dei Alpini durante el secondo conflito mondiałe al quałe el ga partesipà come uficiałe medico.

"Alpin, dotor e scritor", come a ghe piaxeva definirse, dopo esarse laureà in medisina a ł'università de Bołogna el ga frequentà ła scoła ałievi ufisiałi, finìa intel 1940. El se ga aruołà vołontario par ła canpagna de Grecia, dove el ga partesipà come sototenente medico deła 13ma Bateria del Gruppo Conegliano, 3° Rgt. Art. da Montagna, divixion alpina Julia ała canpagna de Russia. El xe sopravisuo ała tragedia deła ritirada.