Ciad

Ła Republica del Ciad (en arabo تشاد Tšad; en fransexe République du Tchad) el xe on Stato de ł'Africa Sentrałe che el confina a nord co ła Łibia, a est col Sudan, a sudovest col Camerun e ła Nigeria, a Ovest col Niger e a sud co ła Republica Sentrafricana. El xe vasto 1.284.000 km² e el ga 'na popołasion de 9.826.419 abitanti par 'na densità de 7,2 ab/km². Ła cavedal ła xe N'Djamena, łe łéngoe ofixiałi łe xe el Fransexe e Arabo, ma se parla pi de cento lingue difarenti.

[modifica] Storia

Par savérghene piesè, varda ła vóxe Storia del Ciad.

Da i ricatamente archeologici se sa che ghera varie popolasioni in stà zona za dal setimo secolo avanti Cristo. Nel 1000 d.C., i kanem gha fondà el loro impero che funzionava controlande le rote carovaniere. Co la desertificasion de el nord del paexe, vari grupi sà spostà e la region gha perso la so importanza, anca se l'è rimasta na zona importante par el control de le carovane de marcanti arabi o berberi. I francexi gha aneso el Ciad a la loro colonia de l'Africa Equatoriale nel 1920, fin a l'indipendenza nel 1960. El primo presidente l'è stà François Tombalbaye, un cristian del sud. La so politica l'à creà del risentimento na i musulmani del nord e l'è scopià la prima guera civile nel 1965. Nel 1979, i ribeli xe entrà ne la cavedal e gha scominzià na guera tra de lori. Hissène Habré gha vinto sta guera interna e l'è diventà el novo presidente del paexe. Nel 1990, Idriss Déby sa tolto el poder co on colpo de stato. Ancò el paexe vive ne l'incerteza. Soldai ribeli vol tor el control del paexe, ma le trupe de Déby xe stà bone de mantegner el control de la cavedal.

[modifica] Giografia

Par savérghene piesè, varda ła vóxe Giografia del Ciad.

El paexe se pol dividare en tri regioni giografiche: en tel nord se cata el Deserto del Sahara, a sud del deserto ghe na strisia semidesertica de savana saheliana, al sud se cata pianure fertili e verdi, ciamade savana sudanica. El Lago Chad xe el secondo lago africano par estension, anca se questa la cambia de vari km² soto l'influenza de le piove. La montagna pi alta se cata ne la catena del Tibesti (3.414 metri)

[modifica] Economia

El Ciad xe considerà la quinta nasion pi poareta del mondo. 80% de la popolasion vive soto el livel de povertà. No ghe xe investimenti stranieri, ecesion fata par i campi petrolifiri ne la region de Dobà, nel sud. El coton, che l'era coltivà par l'esportasion, gha perso tereno par colpa de le guere civili. Le infrastuture no ie stà svilupà. In Ciad ghe solo 14.000 telefoni fisi.

[modifica] Popolasion

On quarto de la popolasion vive ne i centri urbani (N'Djamena, Sarh, Moundou, Abéché and Doba). Ghe xe pi de dozento grupi etnici e se parla pi de cento lengoe difarenti. El arabo ciadiano xe la lengoa franca. I pi importanti xe i sara al sud e i toubous al nord.

[modifica] Religione

54% de i ciadiani xe islamici, 20% catoleghi,14% protestanti, e el resto segue le reigioni tradisionali.

Portałe Africa: varda łe altre voxe de Wikipedia che łe parla de Africa

Enclave e posedimenti europei
Stati del mondo \| Africa
Algeria \| Angoła \| Benin \| Botswana \| Burkina Faso \| Burundi \| Camerun \| Capo Verde \| Ciad \| Costa d'Avorio \| Egito \| Eritrea \| Etiopia \| Gabon \| Gambia \| Ghana \| Gibuti \| Guinea \| Guinea Equatorial \| Guinea-Bissau \| Comore \| Kenya \| Lesotho \| Liberia \| Libia \| Madagascar \| Malawi \| Mali \| Maroco \| Mauritania \| Mauritius \| Mozambico \| Namibia \| Niger \| Nigeria \| Republica Centrafricana \| Rep. Dem. del Congo \| Republica del Congo \| Ruanda \| São Tomé e Príncipe \| Senegal \| Seychelles \| Siera Leon \| Somałia \| Sudafrica \| Sudan \| Swaziland \| Tanzania \| Togo \| Tunixia \| Uganda \| Zambia \| Zimbabwe
Ceuta (Spagna) \| Melilla (Spagna) \| Réunion (Fransa)\| Sant'Ełena (Regno Unìo)
Teritori con stato legałe mìa definìo
Sahara Ocidental

Estrato da "http://vec.wikipedia.org/wiki/Ciad"