Mazzara (TP)

Di Wikipedia, la nciclupidìa lìbbira.

Mazzara
Muttu: Inclita Urbs (cità celibbri)
Nomu ufficiali:	Mazara del Vallo
Pruvincia:	Tràpani (TP)
Superfici:	275,39 km²
Abbitanti:	51.164
Dinzitati:	175 ab./km²
Cumuni cunfinanti:	Campubbeddu, Castelvetranu, Marsala, Pitrusinu, Salemi
CAP:	91026
Prifissu telefònicu:	+0923
Sito ufficiali:	{{{sitoufficiali}}}

Mazzara (nomu ufficiali Mazara del Vallo) è na cità di 51.164 abbitanti ca s'attrova a 52 chilòmitri di Tràpani, a 8 metri ncapu lu liveddu di lu mari. È nu mpurtanti centru agrìculu e suprattuttu marinaru, canusciutu comu unu di li porti pi varchi di pisca cchiù grossi d'Italia e di lu Mari Miditirràniu. È puru nu ciurenti centru di cummerciu ìtticu e di bona attività viti-vinìcula. L'attività ecunòmica cchiù mpurtanti è la pisca.

È na cità a chianta quatrata chi cunzerva ancora li signa e li caràttiri cchiù mpurtanti di la duminazzioni slàmica 'n Sicilia.

Dintra lu tirritoriu di Mazzara è puru prisenti n'òasi WWF, na la zona di Capu Fetu, china d'aceddi di mari e aquitrini. N'àutra òasi sta pagghiri li Jurghi Tunni, nu nzemi di laghi nicareddi di orìggini vulcànica dunni diversi speci di aceddi ripòsanu duranti li longhi viaggia.

[cancia] Storia

Portu finiciu nnô sèculu VI e V a.C., passa a li Cartagginisi nnû 409 a.C. e a li rumani nnû 210 a.C.. Ntô 827 vinni occupata di l'Àrabbi e ciurisci e si sviluppa comu paisi slàmicu chi finu a ora s'arricanusci ntra li strati, stratuzzi, vìi, vìiculi, vaneddi, chiazzi e curtigghi ntricati e ramificati comu lu paisi cchiù slàmicu d'Italia. Nnû 1072 veni cunquistata dû cunti Ruggeru I di Sicilia e nnû 1093 addiventa viscuvatu e ciurisci l'edificazzioni barocca di chiesi e chiazzi. Appi puru nfruenzi di àutri culturi: nfatti, vìnniru puru li Nurmanni, li Bizzantini, li Svevi, l'Aragunisi e li Spagnoli.

L'arcu nurmannu di Mazzara

La Chiazza di la Ripùbbrica

[cancia] Munumenta e loca ntirissanti

Di vìdiri cci sunnu:

• la Catridali dû 1093, di orìggini nurmanna, custruita n capu na muschea pi vuliri di Ruggeru I di Sicilia. C'è na mpurtanti cumpusizzioni di sei stàtui dû 1532 di A. Gagini (la trasfigurazzioni);
• la Chiazza di la Ripùbbrica cu la stàtua di Santu Vitu, patronu di la cità di Mazzara;
• lu Siminariu, custruzzioni barocca dû 1710;
• lu Palazzu Viscuvili dû 1596;
• li jardina pùbbrici dintra lu centru citadinu, canusciuti puru comu ville;
• tanti àutri chiesi mpurtanti, comu chiddi di Santu Franciscu, Santa Nicola Rigali (d'orìggini nurmanna), Santu Vitu a Mari, San Micheli, chi s'attròvanu puru iddi nta lu centru stòricu, oppuru chidda di Santu Vitu a mmari.

Ricentimenti, la cità di Mazzara addivintau famusa pi la stàtua greca di vrunzu dû Sàtiru danzanti dû sèculu IV a.C., piscata d'un piscaturi mazzarisi nnô 1998 e ora esposta nnâ l'ex Chiesa di S.Eggidiu, addivintata Museu dû Sàtiru. Lu Sàtiru Danzanti è oggi ricanusciutu comu la principali attrazzioni turìstica di Mazzara.

[cancia] Frazzioni

Mazzara avi sulu dui frazzioni ufficiali, Borgata Costiera (canusciuta comu "La Custera") e Mazara Due, di cchiù ricenti custruzzioni. Tra li principali quartieri citadini va nveci minziunata la Tonnarella, la zona balniari dû paisi ca si pòpula supratuttu pi la stati.

[cancia] Mazzarisi cèlibbri

• Santu Vitu martiri (n. 290)
• 'Abù 'Abd Allah, dittu Imam Al Mazari, santu e tiulugu mussurmanu, natu lu 1059 o 1160 e mortu a Madhia nâ 1142.
• Tommaso Lipari, clochard mortu lu 9 di giugnettu 1973 e cridutu di quarchi d'unu Etturi Majorana.
• Enrico Birtol natu a Mazzara na la secunna mità dû XI sèculu, fu patriarca di Antiochia e mmasciaturi nta lu mpiraturi Alessiu I di Bisanziu.
• Gian Giacomo Adria (Joannes Jacobus Adria), natu a Mazzara na lu 1485 e mortu a Palermu na lu 1560, dutturi, umanista e stòricu.
• Pietro Consagra, scultura (1920 - 2005)

[cancia] Lijami di fora

• Situ Ufficiali

Nta Commons s'attròvanu àutri mmàggini rilativi a Mazzara (TP).