Pàggina principali

 

 

 

 

(St'artìculu è scrittu 'n calabbrisi di Rumbiolu)

Lingua esperantu

«Non m'arricordu quandu, però abbastanza prestu, cuminciai u mi rendu cuntu ca l'unica lingua [bona pe tuttu u mundu] avarrìa u jè neutra, e no una chi apparteni a ncuna d'i nazioni chi mo esistinu... Pe nu pocu i tempu fu attiratu d'i lingui antichi, e m'ammagginava ca nu jornu potìa cuminciari a viaggiari p'o mundu, e cu discurzi appassiunati convincìri all'òmani u rispigghjanu una di sti lingui pe l'uso cumuni. Doppu, non m'arricordu cchjiù comu, arrivai u penzu ca chistu non era possibili, e cuminciai u m'ammaggiunu na lingua artificiali NOVA.»

(L. L. Zamenhof nt'a lìttara a Nikolai Afrikanovich Borovko)

L'esperantu è na lingua artificiali criata tra u 1872 e u 1887 d'u mèdicu polaccu Ludwik Lejzer Zamenhof. I scopi di sta lingua sugnu a parità di tutti i lingui chi si poti avìri sulu grazzi all'usu i na lingua neutra, e non usandu na lingua chi jè proprietà di nu populu. Quindi non è lingua ufficiali nta nudja nazzioni. U nomi "esperanto" veni d'u pseudonimu chi usava Zamenhof quandu firmava: Doktoro Esperanto (Dottori Speranti, chi spera). Zamenhof prima a chjamava Lingvo Internacia (pron. /lingvo internazìa/) chi voli diri "lingua nternazziunali".
Viàtu doppu a pubblicazzioni i l'Unua libro a lingua si diffondìu tra l'intellettuali e genti cumuni. Nt'o 1905, a Boulogne-sur-Mer (Francia) nci fu u primu congressu esperantista, e fu fatta a "Dichiarazzioni i Boulogne" chi definìa l'esperantismu.

 

 

Di chi cumuni sî?!? Cerca lu tò cumuni (Sicilia, Calabbria, Salentu) ntâ Wikipedia Siciliana e migghiora lu cuntinutu di l'artìculu supra lu tò paisi o cità, mittennu tutti li nfurmazzioni chi canusci. Nun ti prioccupari si nun t'a fidi a scrìviri bonu 'n sicilianu: quarchi wikipidista si dìdica a fari li currizzioni grammaticali nicissarî, secunnu li normi cuntinuti nnâ Grammàtica e nnû Cumpenniu Stilìsticu.

 

 

29 di nuvèmmiru, sabbutidìa

• Lampidusa: Du barcuna cu 650 mmigrati clannistini foru succurruti ntô mari n timpesta di du pischirecci di Mazzara e purtati ô portu di Lampidusa.

---

26 di nuvèmmiru, mercuridìa

• Comu: La corti d'Assisi di Comu, pri la "straggi di Erba", a Olindu Romanu e sò muggheri Rosa Bazzi, ci detti la pena di l'ergastru e, pri tri anni, l'isulamentu duranti lu jornu.

---

25 di nuvèmmiru, martidìa

• Ulanna: Fu arristatu lu boss dâ ndranghita Giuseppi Nirta, espunenti di spiccu dâ cosca di San Luca. E' suspittatu di aviri participatu â straggi di Duisburg dû 15 di austu dû 2007.

---

22 di nuvèmmiru, sabbatudìa

• Roma: Murìu a sta matina a Roma Sandru Curzi, doppu na malatìa longa: avìa 78 anni. Fu militanti dû Partitu Cumunista Talianu, appoi di Rifunnazzioni Cumunista e stòricu diritturi dû Tg3 a la fini di l'anni '80; appoi diritturi dû jurnali di Rifunnazioni Cumunista "Liberazione". Ora era cunsiggheri d'amministrazzioni dâ RAI.

---

21 di nuvèmmiru, venniridìa

• Roma: N'omu ca lassau mòriri di fami e siti lu sò jattu, vinni cunnannatu dû tribbunali a tri misi di càrciri. Pi irasinni 'n vacazza, avìa abbannunatu lu jattu d'intra la casa e, quannu li vicini lu rintracciaru ô tilèfunu picchì sintìanu lu pòviru armali ca si lamintava, ss'omu arispunnìu ca iddu era 'n vacanza e non putìa turnari a Roma p'occupàrisi dû jattu. Ntâ cunnanna ca èppi, hà pajari macari a l'assuciazzioni Lega antivivisizzioni (Lav) cu si custituìu ntô prucessu parti civili.

---

19 di nuvèmmiru, mercuridìa

• Nàpuli: Di la pillìcula "gomorra", ca ntê canali ufficiali ancora hà nèsciri a lu 3 di dicèmmiru, ntâ Campania c'è ggià na virsioni "taruccata", vinnuta ntê giurnalara e ntê bancarelli. Macari ca vulìssiru livàrisi d'avanti ammazzànnulu a Robbertu Saviano, ca scrivìu lu libbru-nchiesta "Gomorra", quannu si parra di sordi, li camurristi non talìanu a nuddu ntâ facci e addimùstranu d'èssiri prufissiunisti sèrii e ca l'affari sunnu affari.

• Milanu: (ANSA) Pâ 10/ma annata dû "Prèmiu vìdiuclip talianu" (Premio videoclip Italiano), vincìu lu "Prèmiu spiciali pô mpegnu civili" lu vìdiuclip dê rap palermitani "Combostamastas" titulatu "U tagghiamu stu palluni ?".
  Stu prèmiu vinni datu pô missàggiu di lotta dâ sutta-cultura mafiusa. Lu tìtulu dâ canzuna di unni appoi vinni fattu lu vìdiuclip, aripigghia la minazza ca fannu l'abbitanti dê quarteri ê carusi ca jòcanu ô palluni e ca ci vòlunu livari la libbirtati e lu dirittu dû jocu; â stissa manera la mafia, chê minazzi, leva a ognidunu dirittu e libbirtati dô sò campari.

---

9 di nuvèmmiru, duminicadìa

• Roma: A sta matina, a Virmicinu, vicinu a Roma, di sdirrubbau na casa di dui piani. Mòrsiru dui cristiani, maritu e muggheri, attruvati dâ squatra dû succorsu ancora curcati ntô lettu. Parissi ca non ci sunnu àutri morti.

---

8 di nuvèmmiru, sabbatudìa

• Catania: La sedi dâ facultà di Farmacìa di l'universitati di Catania vinni siquistrata dâ maggistratura pô malu smartimentu di spirimenti midicinali. Lu GIP dispunìu lu pruvvidimentu iputizzannu li riati di disastru culposu e gistioni di discarica. Li ndaggini fìciru vidiri ca, pi curpa di spirimenti medicinali ittati ntê lavandini dê labburatori, dê vaschi di raccorta dî rifiuti lìquidi misi suttaterra, niscèvanu fora vapuri piriculusi pâ saluti. Foru ndagati 9 pirsuni e tra chissi l'ex ritturi Latteri.

---

6 di nuvèmmiru, jovidìa

• Italia: Lu nostru prisidenti dû cunsigghiu, Silviu Berlusconi, arifirènnusi ô novu 44èsimu prisidenti miricanu ora ora eliggiutu, Barack Obama, dissi d'iddu ca è "beddu, giùvini e abbrunzatu": ssa palora "abbrunzatu" fici scatinari na granni pulèmica ntâ l'upposizzioni.

(Talìa l'apprufunnimentu dâ nutizzia ccà)

---

4 di nuvèmmiru, martidìa

• Italia: Lu cuvernu minazza l'ex mpighiati di Alitalia di nigàricci la cassa ntigrazzioni siddu nun tràsunu ntâ nova cumpagnia chi s'accattau l'Alitalia.

---

2 di nuvèmmiru, duminicadìa

• Televisioni: Stasira lu primu canali dâ RAI trasmetti lu primu dî 4 film inedditi dû Commissariu Montalbanu, tratti dî rumanzi di Andrea Camilleri.

• Acquafurmusa (CS): (Ansa) - Na trintina di nanni di chiossai di uttant'anni si scriveru â scola elimintari pri nun fàrila chiùdiri pri mancanza di sculari. La pinzata è di l'amministraturi dû cumuni di Acquafurmusa, un paiseddu càlabbru-arbanisi di 1.200 abbitanti, 'n pruvincia di Cusenza. Secunnu lu dicretu Gelmini, cu picca sculari la scola hà èssiri chiuruta.

---

 

 

28 di nuvemmiru, venniridìa

• India: Attintati di matrici islamica n vari punti di Bombay fìciru cchiossai di 100 morti. Tra l'obbiettiva cchiù mpurtanti ci fu l'hotel Tak Mahal, ntâ fotu, friquintatu di l'uccidintali, e chi fu ncindiatu.

---

22 di nuvèmmiru, sabbatudìa

• USA: Barack Obama nòmina Hillary Clinton Sicritariu di Statu.

---

21 di nuvèmmiru, venniridìa

• Colombia: N'eruzzioni dû vurcanu Nevado del Huila si finisci c'armenu deci morti e pi forza si cci nn'abbannunaru 10.000 cristiani di ddi pressi.

---

14 di nuvèmmiru, venniridìa

• Nova Delhi: L'India sbarcau, macari idda, supr'â luna - Di l' 8,20 di sira di venniridìa (uràriu di Nova Delhi), ntâ luna c’è n’àutra nova bannera aranciuni, janca e virdi, chidda dâ Ripùbbrica di l’Ìnnia.

(Pi n'apprufunnimentu munci ccà)

---

12 di nuvèmmiru, mercuridìa

• Eggittu: Scupruta na piràmidi a Saqqara, vicinu â cèlibbri piràmidi granni a scaluna. Risali a circa 4300 anni fa.

---

10 di nuvèmmiru, lunidìa

• Russia: Nu suttamarinu nucliari russu stazziunatu ntô Pacìficu, appi n'incidenti unni morsiru 20 pirsuni.

(Pi n'apprufunnimentu munci ccà)

• Haiti: Na scola si sdirrubàu cummigghiannu tutti li genti chi ci stavanu a ddu mumentu. Si cuntanu armenu 90 morti tra picciriddi a granni.

---

8 di nuvèmmiru, sabbatudìa

• Nova Zilanna: John Key veni vutatu lu novu primu ministru dâ Nova Zilanna.

---

6 di nuvèmmiru, jovidìa

• Bruxelles: La Banca Cintrali Europea tagghiau la tassu di scuntu di menzu puntu, purtannulu a 3,25%. La Banca di Nghilterra e la Banca Cintrali Svizzira puru tagghiaru lu tassu di scuntu, rispittivamenti purtannulu a 3% e a 2,75%.

---

5 di nuvèmmiru, mercuridìa

• San Franciscu: La pupulazzioni califurniana cu nu referendum dicisi di vietari lu matrimoniu omosessuali cu na maggiuranza di 52%.

---

4 di nuvèmmiru, martidìa

• Elizzioni miricani: Jurnata storica ntê Stati Uniti: Barack Obama addiventa lu primu afruamiricanu prisidenti dî Stati Uniti.

---

Primu di nuvèmmiru, sabbatudìa

• Nazziuni Uniti: Nu studiu novu dû clima munniali cunchiudi ca l'attivati umana sta causannu lu squagghiari dû ghiacciu di l'Antàrtidi.

---

31 di uttùviru, venniridìa

• Mosca: Lu capu di statu dâ Lìbbia, Muammar Gheddafi, è prontu p'accògghiri na basi militari navali dâ Russia ntâ Lìbbia. Ssa nutizzia veni data dû jurnali russu Kommersant ca l'appi dû staff urganizzaturi dâ visita ca Gheddafi quantu prima hà fari ntâ Russia. Secunnu a quantu dici la funti, la basi avissi a èssiri misa a Bengasi.

(Rifirenna:nutizzia "ANSA")

---

30 di uttùviru, jovidìa

• Ginevra: Nti l'Iraq ci sunnu chiossai di 420 càrciri ammucciati di cui nuddu nni sapi nenti. Lu dicìu aoggi lu parlamintari irachenu Mohammad Al-Daini ê jurnalista ntô mentri di nu cunvegnu priparatu di l'urganizzazzioni non cuvirnativa Alkarama. Lu parlamintari cuntàu macari ca nta ssi càrciri li cunnizzioni dî carzarati sunnu mprissiunanti e dicìu ancora ca ci sunnu pri cuntìnuu ammazzatini e viulenzi sissuali. Pri comu dici iddu, di quannu ci fu la mmasioni dâ Mèrica ntô 2003, hannu murutu 1,5 miliuna d'iracheni.

---

29 di uttùviru, mercuridìa

• USA: A na simana di l'elizzioni prisidinziali miricani Barack Obama è sempri 'n vantagghiu cu na pircintuali di prifirenzi di circa 52% nti l'ùrtimi sundaggi, contra lu 45% pi John McCain.

---

 

 

Wikipedia n Corsu · Friulanu · Latinu · Lummardu · Maltisi . Napulitanu · Sardu · Vènitu · Piemuntisi · Rumanciu . Lìguri · Tarantinu · Emilianu · Sicilianu