INSEE

Gikan sa Wikipedia, ang gawasnong ensiklopedya

Ang INSEE (Prinanses: Institut National de la Statistique et des Études Économiques) mao ang nasodnong institusyon alang sa estadistika ug pagtuon sa ekonomiya sa Pransiya. Kini ang gisangonan sa pagkolekta ug pagpatik og impormasyon kabahin sa ekonomiya sa Pransiya ug sa katilingbang Pranses, lakip ang paghimo sa nasodnong sensu. Kini nahimutang sa Paris.

[usba] Katuyoan

Ang INSEE ang responsable sa produksiyon ug analisis sa opisyal nga mga estadistika sa Pransiya. Ang labing nailhang mga katuyoan sa maong ahensiya mao kining mosunod:

• Pag-organisa ug pagpatik sa sensu
• Paghimo og lain-laing mga indeksi nga giila sa labing taas nga kalidad sa pagkahimo, lakip ang indeksi sa presyo sa mga palaliton (usa ka paagi sa pag-ila sa implasyon) -- kining maong indeksi gigamit sa pagdeterminar sa abangan ug sa mga gasto kalabot sa konstruksiyon
• Ang INSEE usab ang giilang "sanga" sa Eurostat (ang Eurostat walay direktang mga ahensiya sa mga miyembrong nasod, hinuon kini nagsalig sa mga lokal nga organisasyon). Giila usab ang INSEE nga representante sa Pransiya sa mga internasyonal nga pangutana kabahin sa estadistika.

[usba] Organisasyon

Ang INSEE responsibilidad sa MINEFI, ang ministro sa panapi sa Pransiya (Prinanses: Ministère de l'Économie, des Finances et de l'Industrie). Ang kasamtangan niining direktor mao si Jean-Michel Charpin.

[usba] Mga kod ug numerong INSEE

Ang INSEE naghatag og mga numerikal nga indeks sa lain-laing entidad sa Pransiya:

• Ang mga kod INSEE (nailhan usab isip COG) gihatag ngadto sa lain-laing yunit administratibo, labing popular ang mga komyun. Ang mga kod INSEE wala mosigo sa kodigo postal (zip code). Ang kompletong kod may 8 ka numero ug 3 ka blanko sa sulod, apan may mas popular nga may 5 ka numero ug walay blanko sa sulod:
  • 2 ka numero alang sa departamento ug 3 ka numero alang sa komyun alang sa 96 ka mga departamento sa Metropolitan nga Pransiya
  • 3 ka numero alang sa departamento (usahay collectivity) ug 2 ka numero alang sa mga dapit sa Pransiya gawas sa Metropolitan
• Ang mga numerong INSEE (15 ka numero) nga gigamit isip nasodnong numero sa pag-ila sa mga tawo. Ang pormat ingon niini: syymmlllllooo kk, diin
  • ang s 1 kon lalaki, 2 kon babaye
  • ang yy mao ang kataposang duha ka numero sa tuig sa pagkatawo
  • ang mm mao ang buwan sa pagkatawo
  • ang lllll mao ang COG sa natawhan
  • ang ooo mao ang pasunod sa mga tawo nga natawo sa samang dapit sa samang tuig ug samang buwan
  • ang kkk usa ka "control key" nga may biling 97 - (ubang numero modulo 97).
    May mga eksepsiyon sa pipila ka tawo.[1]
• Ang mga kod SIREN gihatag ngadto sa mga negosyo ug mga de-negosyong pundok; ug SIRET alang sa ilang mga establisemento ug pasilidad. (Alang sa dugang impormasyon tan-awa ang SIRENE database.)

[usba] Mga sumpay sa gawas

• Opisyal nga balayan