Aggressive Audio

Gikan sa Wikipedia, ang gawasnong ensiklopedya

Ang Aggressive Audio usa sa mga BisRock band karon sa Sugbo nga nakaimpluwensiya sa katawhang Sugboanon, partikular na sa talay sa mga batan-on. Ang ilang mga kanta nga gipalanog sa mga music station sa Sugbo nahimong kinaham sa mga tigpaminaw.

Ang lyrics sa sikat kaayo nilang mga kanta ingon sa giuran-uran na lang gani sa mga tawo nga nakakat-on paghigugma sa musikang Bisdak. Bisan ang mga bata nga wala pay igong kabuot larino na kaayong mosubay sa mga linya sa ilang mga kanta.

[usba] Kasugiran sa grupo

Ang Aggressive Audio naorganisar isip usa ka banda niadtong Mayo, 2000. Sa sinugdan, ang Aggressive Audio ginganlan ug Teenage Chaos.Natukod kining maong banda nga ang tumong mao lang ang yanong paglingaw-lingaw. Niadtong panahona, mokanta pa silag Iningles nga mga kanta nga ang kasagaran komposisyon ra usab sa paborito nilang mga banda. Dili pa kaayo uso ang Bisrock niadto.

Sa kadugayan, dihay nakasugyot kanila nga ilisan ang ngalan sa ilang banda. Ug mao kadto nga ang Teenage Chaos nailisan sa Aggressive Audio.

Sa tuig 2003, nakahukom sila nga motagik og kaugalingon nilang komposisyon. Nagkasabot sila nga mosagop sa konsepto nga BisRock.

[usba] Mga komposisyon

Ang orihinal nga mga komposisyon sa Aggressive Audio naglangkob niining mosunod:

• Senior Citizen
• Liar Evil
• Adolescence
• Feeling
• Tangkong
• Giatake
• Cok-Kuto
• Hanggang Kailan
• Don’t Ever
• Lingin

[usba] Mga gigs

• Kahayag Cafe
• Handuraw Events Cafe

[usba] Mga Sakop

• Eugene Corpin(vocalists)
• Sidney Alburo (rhythm guitarist)
• Randolf Silvano (lead guitarist)
• Joel Ablanque (drummer)
• Vincent Ngalis (bass guitarist).

[usba] Mga impluwensiyang banda

Ang influences sa Aggressive Audio mao ang Christian contemporary music, 80s rocks, classics, guitar instrument, The Blues, nu-meta, jazz ug uban pa.

[usba] Album

• Puwerteng Lingina-- gisulat, gi-perform ug gipangunayan mismo pagprodyus sa banda.

[usba] Mga nangaging pasundayag

• Yukbo: Ang Konsiyerto (2000, 2001 ug 2002)
• Yamaha School of Recitals
• Kahayag Café (kausa sa usa ka bulan sukad sa Mayo, 2003)
• Handuraw Events Café (Bisdak Nights)
• SMB Muziklaban (2005)
• SMB Oktoberfest (2005)
• Bisrock Concert @ Cahsba (2005)
• SMB Sinulog Party (2006)
• SMB Sarap Magbabad Party (2006)
• S.T 101 (Campus Tour) 2006
• Island City Mall, Tagbilaran City, Bohol (2006)
• Love Radio Anniversary sa Cagayan de Oro City (2006)
• Caraga Square sa Butuan City (2006)
• Boulevard sa Dumaguete City (2006)
• pasundayag sa Tubod, Lanao del Sur (2006)
• pasundayag sa Maribojoc, Bohol (2006)
• pasundayag uban sa Parokya Ni Edgar-Sinulog CCSC-2007
• Bisrock Rakrakan 1 & 2 (2006-2007)
• Tabang Dos (2007)

[usba] Unsaon pagkontak

• acustica.net

[usba] Mga sumpay sa gawas