Usuariu alderique:Hugo López

De Uiquipedia

Hola Hugo, veo que te punxisti con gracia a trabayar na wiki y bien que me presta'l to llabor.

Solo una cosina, ensin querer paecer mui repunante; vi que quitasti na Páxina d'ortografía cambiar y gracias pa poner camudar y gracies, cuntando seguramente que yeren castellanismos. Pero ye que nun lo son:

• Cambiar ye una palabra tan asturiana como camudar. De fechu, nel diccionariu de l'Academia, anque apaecen les dos dase-y preferencia a cambiar yá que la so definición ocupa alredor de trenta ringleres. En cambiu camudar ocupa solo seis llínees y defínese como "cambiar".
• Les terminaciones en -as son frecuentes en bona parte del dominiu llingüísticu, especialmente nel occidente d'Asturies, nel oriente y en Llión. Na Wiki almítense, como nun podía ser menos toles variantes llingüístiques y gracias ye una forma tan correcta como gracies. Nesti casu, si m'alcuerdu bien, la discusión yera precisamente ente dos falantes orixinarios de Llión y un esplicaba-y al otru que la palabra ubrigáu yera mas bien portuguesa, y que na so tierra dizse gracias (y non gracies, claro)

Dígotelo más que nada porque ta bien iguar los fallos que se ven nos artículos. Yo personalmente he de reconocer soi bastante aficionáu a ello y dalgo pesáu de xemes en cuando. Pero eso nun ye lo mesmo qu'hiperasturianizar (qué palabru mas feu, eh?) lo que ta bien escrito.

Saludos. Motán 20:52, 6 marzu 2006 (UTC)

Bien poles igües. Dime cuemta d'elles ayeri, y entós vi que hai delles coses que nun sé si podíen ameyorase: discusión por discutiniu o alderique, plantilla por plantía o plantiya, ayuda por aida, Lo que enllaza aquí por ¿"Lu qu'enllaza pa equí"? Nun sé, había que lu falar nel chigre. Jesusito 15:50, 14 marzu 2006 (UTC)

Si quies cambiar el to nome d'usuariu lo que tienes que facer que yo sepa ye facete una nueva cuenta. --Bar 15:01, 9 avientu 2006 (UTC)

Que yo sepa puedo treslladar la to páxina d'usuariu y la páxina de discusión pero nun sé si se puedo facer lo mesmo col historial de contribuciones, podemos facer la prueba: dime que nome ye'l nuevu: si l'historial nun sal puedes entrugá-y a Esbardu que ye'l que suel trabayar colos tresllados. --Bar 16:38, 11 avientu 2006 (UTC)