Batalla de El Mazucu

De Uiquipedia

La Batalla de El Mazucu llibrose en setiembre de 1937 ente l'Exércitu Popular Republicanu y el rebelde na guerra civil española, na fase nomada guerra nel Norte. La defensa republicana de El Mazucu y los montes cercanos detuvo l'avance de los nomaos nacionalistes nel oriente d'Asturies, a pesar de que los defensores teníen enfrente una fuerza siete veces superior. Dempués de selmanes de llucha durísima nun tarrén abegosu los republicanos fueron obligaos a retirase pa nun ser copaos poles fuerces enemigues qu'habíen roto'l frente en Riaño (Llión), y ocupao Cuadonga con fuerces de Regulares marroquíes. Foi la cabera gran batalla n'Asturies na guerra.

Esta foi la primer batalla na historia de la aviación militar na que s'emplegó'l bombardéu n'alfombra.

[editar] Preludiu

Tres la cayida de Bilbao y la derrota en Santander, Asturies quedó cercada per tolos llaos. El xeneral rebelde Dávila atacó dende'l sur (al mandu d'Aranda) y pel este esperando poca resistencia de los desmoralizaos republicanos.

La primer llinia a lo llargo del ríu Deva foi bien llueu rebasada y Llanes cayó el 5 de setiembre. Sicasí, la ruta que teníen que siguir los nacionalistes taba encaxonada ente'l mar y la Sierra del Cuera. Los atacantes teníen que llimpiar de defensores los montes pa siguir avanzando hacia Xixón. Planearon un movimientu en pinza dende'l noroeste dende Llanes y dende suroeste dende Panes hacia Cabrales.

Nos dos movimientos, el tarrén pindiu y la decidida defensa republicana paró l'avance. Taba nidio que los montes de la Sierra del Cuera yeren vitales pa defender Asturies, y la clave taba nel Mazucu.

[editar] Los combatientes

Los rebeldes teníen cuatro brigaes navarres (33.000 homes la mayoría carlistes), baxo'l mandu del xeneral José Solchaga en Llanes, con 15 bateríes d'artillería y fuerte apoyu aéreu (sobre too la Lexón Cóndor alemana). El pasu del Mazucu ta a solo 5 kms. del mar, polo que'l cruceru Almirante Cervera podía dar sofitu artilleru.

Les fuerces asturianes y vasques taben compuestes por tres brigaes debilitaes (menos de 5.000 homes) baxo'l mandu de los coroneles Juan Ibarrola y Francisco Galán en Meré, con poca artillería y ensin sofitu aéreu.

[editar] La batalla

L'ataque a El Mazucu entamó con un asaltu de la 1ª brigada navarra el 6 de setiembre. Foi rechazáu asina como l'avance pela parte sur de la pinza. En vista del fracasu la Lexón Cóndor foi llamada y per primera vegada na historia de la aviación militar realizaron un bombardéu d'alfombra (bombardeos de saturación).

El 7 ataques más duros fueron paraos y los frentes estabilizáronse. Higinio Carrocera aportó con tres batallones y 24 ametralladores pesaes. Los bombardeos con esplosivos y bombes incendiaries continuaron tou'l día.

El 8, con borrina densa, combates xabaces cuerpu a cuerpu causaron munches baxes nos dos bandos. Los rebeldes ganaron 2 kms na fastera sur del frente que los republicanos nun fueron quien a recuperar.

El 9 dos batallones republicanos fueron obligaos a retirase, pero los atacantes nun fueron a sacar provechu. El restu del día y el siguiente, foles de bombardeos aéreos y artilleros fueron siguíos caún por ataques de la infantería siendo paraos poles ametralladores republicanes.

El 10, tamién con borrina, un ataque de la 1ª brigada navarra fizo que'l monte Biforcu cayera (baxo'l pasu del Mazucu), pero taba domináu polos altores del Llabres, u los republicanos machacaron la zona con ametralladores y usando esplosivos con carburu de calciu. Per primera vegada dende l'entamu de la batalla comida caliente aportaba a los defensores.

El 11 y 12, na fastera sur del frente, los nacionalistes nun podíen avanzar a lo llargo del valle, asina que sólo podíen xubir pela sierra hacia'l Picu Turbina. Esti cumal a 1.315 metros ye un ostáculu formidable con cuestes de 40° y un tarrén cársticu casi llunar. Nun había caleyos incluso pa mules, asina que los suministros teníen que ser treslladaos a mano. El tiempu yera malu, polo que l'aviación nun pudo operar.

El 13 al noroeste de El Mazucu, el frente republicanu entamó a debilitase polos continuos bombardeos.

El 14 los defensores fueron obligaos a entregar Sierra Llabres, faciendo que'l pueblu de El Mazucu fuera indefendible. Al sur el Picu Turbina casi taba tomáu polos nacionalistes pero fueron espulsaos nun contrataque con granaes de mano nun combate confusu ente la borrina denso.

El 15 El Mazucu y alredores fueron ocupaos faciendo que los republicanos se retiraren a Meré. Al sur tovía manteníen los cumales del Picu Turbina y Peña Blanca.

El 16, el Picu Turbina foi tomáu y Peña Blanca casi foi cercada al cayer Arangas y Arenas.

Los tres cumales de Peña Blanca formaben l'únicu saliente de la llinia republicana a lo llargo del ríu Bedón. Los asaltos iniciales de los rebeldes fracasaron polo que dieciséis batallones fueron desplegaos pa conquistar les posiciones. El sofitu aéreu yera mínimu por mor del tiempu y nel tarrén la lluvia tornose ñeve nos altos.

El 18 meyoró'l tiempu al mediudía permitiendo tres foles de bombardeos aereos alemanes ya italianos del CTV (Corpo Truppe Volontarie, cuerpu espedicionariu italianu durante la guerra). Tres cada bombardéu la infantería navarra asaltaba les posiciones republicanes siendo repelíos poles ametralladores y les granaes de mano. Por cuatro díes completos repitiose'l patrón: aviones y morteros mayaben a los defensores, la infantería atacaba y yera rechazada.

El 22 Peña Blanca foi tomada. La formidable defensa fecha polos republicanos fizo que a Higinio Carrocera diéren-y la Medalla de la Libertad, la máxima condecoración republicana.

[editar] Resume

La defensa del Mazucu daba la esperanza de parar l'avance nacionalista hasta la llegada del iviernu cola consiguiente suspensión de los combates pol frío y la llamuerga, cola posibilidá de que'l resultáu de la guerra fuera diferente al dar la oportunidá al Exércitu Popular de preparar el so planeáu Exércitu de Reserva (según Modesto). Sicasí, los atacantes sufrieron un retrasu costosu. Los defensores recuperaron el so honor tres la vergonzosa cayida de Santander, pero tamién con un gran costu. Les tres partes involucraes, principalmente la Lexón Cóndor, deprendieron munches lecciones que dempués fueron aplicaes nel teatru europeu na guerra mundial que siguió.

Al final, el Mazucu foi tomáu non polos duros asaltos directos sinon pola llercia de los republicanos a ser envueltos pola ruptura del frente en Llión, que tras tomar Covadonga algamaron Infiesto, un pueblu que foi destruyíu polos bombardeos; ellí los rebeldes enllazaron colos navarros faciendo que Xixón cayera'l 21 d'ochobre desapaeciendo con ello el frente norte. Les consecuencies p'Asturies foi un perdura represión que duraría munchos años.

[editar] Referencies

• Juan Antonio de Blas, "El Mazuco (La defensa imposible)" (pp369–383), in La guerra civil en Asturias, Ediciones Júcar, Gijón 1986.
• El Mazuco (La defensa imposible)