Wikipedia:Erste Schritte

Klick do uff s Gleich (de Link) Wikipedia:Sandchaschte (am Beschte machsch ä neu Fenschtr uff, dass dr d'Aleitig erhalte blibt - sell goht uff viile Browser mit Shift-Klick oder de rächte Muustaschte: "In neuem Fenster öffnen"...).

D'Syte "Sandchaschte" wird a'zeigt.

Klick uff dr dritt Ritter ("ändere") obe im Menü odr aber uf s Gleich "ändere" im e Textsabschnitt rächts.

Ä neui Syte wird azeigt. Si enthaltet dr Inhalt vom "Sandchaschte" in ere sog. Editbox, wo du de Tegscht drin chasch ändere.

Es sin dört no ä paar merkwürdigi Symbol iigstreut. Die sognannte "Tags" sorge für d'Formatierig vom Artikel un für d'Querverwiis zwüsche de Artikel. Die wichtigschte Tags werde unter Formatierung un Verlinken erklärt.

Mach ä paar Ändrige un klick drno unte uff "Syte spychere"

Absätz werde z.B. dur ä Läärziile erzügt.

D'Syte isch jetz gspiichert un wird jedem Benutzer so azeigt, wie de si grad siihsch.

Wenn abber in de Zwüschezit ä anderer Benutzer si Version vo de Sitte gspiicheret het, no git des e so gnännte "Bearbeitigskonflikt". In däm Fall wird im obere Textfäld dr Text vum andere Benutzer azeigt, unte di Text un drzwische dr Unterschiid zwische dr beide Versione. Du kasch jetz vom untere Textfäld diini Änderige per Copy&Paste obe wider iifüege un nommol uf "Syte spychere" klicke.

Klick nomol uf "Syte bearbeite" un füeg e Text in dopplete, eckige Klammere ii, zum Biispiil: [[Eiffelturm]]. Klick uf Vorschau zeigen, und bschau s Ergäbnis.

A däre Stell hämmer e churze Tipp für Macintosh-Benutzer.

Jetz siiht mer e Gleich (Link) uf d Sitte Eiffelturm. Wels scho e Artikel mit däm Titel het, kommsch über s Gleich eifach zum Artikel.

Wänn im Fall dr azeigt Text vom Artikelnamme abwiche soll, goht des eso:
Im [[Erster Weltkrieg|Erschte Wältchrieg]] isch ....
(S "Pipe"-Symbol (|), wo dr Namme un dr Text trennt, git's meischens Links über dr Leertaschte, in dr Schwiiz AltGr+7 oder AltGr+1, uf em Mac Alt+7). Gang un probiers glii emol: Dr obig Text iigää, un "Vorschau azeige" drucke.

Jetze siiht mr de Text:
Im Erschte Wältchrieg isch ...

Jetz mach emol e Gleich zun ere Sitte, wos nonit git. Des goht mit zwoo Chlammere - eso: [[Nichtexistierende Seite]] Dä Sittetitel isch absichtlig in Standardditsch gschriibe - des muess erscht emol eso sii.

Des siiht drno eso us: Nichtexistierende Seite. D rot Farb signalisiert, ass es unter däm Namme no kei Artikel git.

Klick uf s rot Gleich.

D Iingabesitte für de neu Artikel wird agezeigt. Si het de Hiwiis "Es git no kein Artikel mit em Name «...»!", un drunter e Beriich (Editor), wo mer de Artikeltext cha iigää.

Alli Artikel müen am Afang standarddütsch aglegt sii - suscht findet mer si nit. Du chasch aber zum Biispiil dr Titel "Mackenheim" eifach alemannisch überdecke, indäm du am Afang vum Artikel {{Titel|Mackene}} iigisch.

Jetz siihsch im Artikel nimmi dr ursprünglig Titel "Mackenheim", aber dr alemannisch Titel "Mackene".

Noch "Mackene" im Suechfänschter links oder im Inhaltsverzeichnis sueche muesch aber alliwiil no mit "Mackenheim". Au Gleicher in andere Artikel zu "Mackene" müen as erschte Bstandteil "Mackenheim" ha [[Mackenheim|Mackene]].

Noch em Spiichere siiht mer dr Text: Mackene (wie obe in 2).