![Immagine:Flag of Olomouc Region.svg [it]](/it/wiki/Immagine:Flag_of_Olomouc_Region.svg.html){kind=link}
![Mmàggini:Behemot.JPG [scn]](/scn/wiki/Mmàggini:Behemot.JPG.html){kind=link}
Thur (Schweiz)
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Thur (Ostschwiz)« |
D Thur (IPA: ˈtu:r) isch nebet em Rhii de längst Fluss i de Ostschwiz.
De Name Thur werd uf die indogermanisch Wortwurzle dhu- "haste, pressiere" zruggfüert.
D Thur entspringt im Obertoggeburg bi Wildhuus (Wildhuser Thur) und Unterwasser (Säntisthur), wobi sich die baide Flüssli bi Unterwasser verainiget. Bikannt sind die imposante Thurwasserfäll vode Säntisthur bi Unterwasser. D Thur flüsst im Oberlauf dur s Toggeburg und im Unterlauf dur de Kantoo Thurgau, wo noch dem Fluss benennt isch.
Die wichtigste Nebeflüss sind de Necker vom Oste, wo bi Lütisburg i d Thur ine flüsst, denn chunnt vo Süde her d Glatt bi Oberbüre. Z Bischoffszell flüsst den d Sittere i d Thur und denn no bi Frauefeld d Murg, wo ide Römerzit Grenze zwüschet de Provinze Gallie und Rätie bildet het. D Thur selber flüsst bi Ellike in Rhii.
Vo de Quele vo de Säntisthur bis zude Mündig in Rhii ine messt d Thur 130 km, devo sind 68 km im Kantoo Sanggale, 42 km im Kantoo Thurgau und die unterste 19 km im Kantoo Züri.
[ändere] Nebeflüss vode Thur
- D Wissthur (bi Stai)
- D Lutere (bi Noi Santihann)
- De Diepfurterbach (bi Diepfert)
- De Necker (bi Lütischborg)
- De Gonzebach (bi Lütischborg)
- D Uze (bi Niderozwil)
- D Glatt (bi Oberbüre)
- D Settere (bi Sitterdorf)
- De Giesse (bi Amlike-Bissegg)
- De Chemibach (bi Pfy)
- D Murg
Dr Artikel basiert uf ´ra freie Ibersetzung vum Artikel „Thur (Schweiz)“ us dr dytsche Wikipedia.
Dr Texscht schtaht untr dr GNU Lizenz für freyi Dokumentation. E Lischte mit de dörtige Autore kasch dörte aluege