Spreitenbach

Us der alemannische Wikipedia, der freie Dialäkt-Enzyklopedy

Wappe
Basisdate
Kanton:	Aargou
Bezirk:	Bade
BFS-Nr.:	4040
PLZ:	8957
Koordinate:	47.420831 n. Br. 8.366662 ö. L.
Höchi:	421 m ü. M.
Flächi:	8.60 km²
Iwohner:	10213 (31. Dezember 2006)
Websyte:	www.spreitenbach.ch
Charte

Dialäkt: Aargauerdüütsch

D Gmeind Spreitebach liit im Limmattal am Fuess vom Heitersberg und ghört zum Bezirk Bade im Kanton Aargau. Nachbargmeinde sind (im Uhrzeigersinn): Dietike (ZH), Bergdietike (AG), Oberrohrdorf (AG), Killwange (AG), Würelos (AG) und Oetwil a de Limmet (ZH). D Gmeind het e Flächi vo 860 Hektar und liit 421 Meter über em Meeresspiegel.

[ändere] Gschicht

Spreitebach isch 1124 s erschti mal erwähnt worde. Sehr lang isch es nur es Chlises Buuredorf gsi, bis i de 60er Jahr de Bau-Boom cho isch. Sither isch s Dorf tüchtig gwachse und zellt 9'896 Iwohner (am 31.12.2004).

[ändere] Wirtschaft

Näbe de verschidene Ichaufszäntre (Shoppi, Tivoli, IKEA,...) gits in Spreitebach rund 700 Firme mit ungfähr 6'500 Beschäftigte. Zu de bekanntischte ghöred Zweifel Pomy Chips, Miele, Johnson&Johnson und Nestlé, wo sich im grosse Industriegebiet ide nöchi vode Limmat befinded. SNeuschte Projekt isch de lang umstritteni Neubau vode Ikea, wo Ändi 2006 beändet werde söll.

[ändere] Sehenswürdigkeite

Vili Lüüt wüssed nöd, dass es in Spreitebach au no en schöne Dorfchern git. Det befindet sich eusi schöne zwei Chile, die katholisch und die chlini reformierti Dorfchile. Det ide nöchi gits es Dorfmuseum, wo aber nur sälte göffnet isch und fasch nur de Schüeler im Rahme vo Heimatchundeunterricht bekannt isch. Wer für es paar Tag in Spreitebach verwiiled, söll au no e Wanderig uf de Heitersberg underneh. Vo det het mer e wunderschöni Ussicht ufs ganze Limmattal und chan sich underwägs au mitem Vitaparcours fithalte.

[ändere] Freizyt

Spreitebach bütet näbscht Ichaufsmöglichkeite no anderi Freizytagebot. Sit einige Jahr gits en eigeni Kartbahn, wo ab und zue a Konzert duregfüehrt werded. Au dGruppe →Dada (ante portas) hät schomal en Uftritt det gha. DJugendarbet Spreitebach het fürd Schüeler en Ruum zur Verfüegig gstellt, sPeli. Det werded HipHop oder Rockevents im chliine Rahme duregfüehrt. dJugend trifft sich usserdem au im MC Donald´s oder im nöch devo glägene Burger King. Kulturell versorged eus dTheater-und Fasnachtsgsellschaft Spreitebach, und ab und zue werded Konzert und Läsige im Zentrumsschopf abghalte. Bekannt isch Spreitebach fürs alljährliche Sterneplatzfäscht, wo wie de Name seit ufem Platz vom ehemalige Restaurant Sterne duregfüehrt wird.

Au de Sport dörf in Spreitebach nöd zchurz cho, Spreitebach hät en FC und de STV glänzt vorallem dur eusi erfolgriichi Unihockeymannschaft. I de nöchi vom Fuessballplatz Mittlerzälg befindet sich no en Minigolfplatz. Im Summer chüelt mer sich am beschte im Hallebad ab, wo für Iwohner en Spezialtarif offeriert.

Politischi Gmeinde im Bezirk Bade Bade | Bellike | Bergdietike | Birmischtorf | Ehredinge | Enetbade | Fislisbach | Freiewil | Gebischtorf | Killwange | Chünte | Mellige | Mägewil | Noiehof | Niderrohrdorf | Oberrohrdorf | Obersigithal | Remetschwil | Spreitebach | Stette | Turgi | Untersigithal | Wettige | Wohleschwil | Würelinge | Würelos Kanton Aargau | Bezirk vom Kanton Aargau | Gmeinde vom Kanton Aargau