SC Freiburg

Us der alemannische Wikipedia, der freie Dialäkt-Enzyklopedy

SC Friburg

Gonzer Nôme	Sport-Club Friburg
Spitzname(n)	Brisgau-Brasilianer
Gryndet	30. Mai 1904
Stadion	Badenova-Stadion
Plätz	25.000
Präsident	Achim Stocker
Trainer	Robin Dutt
Manager	Andreas Bornemann
Adress	Schwarzwaldstraße 193 79117 Freiburg im Breisgau
Liga	2. Bundesliga
2007/08	5. Platz
Däheim 　 Usswärts

Dialäkt: Markgräflerisch (Ebringe)

Dr Sport-Club Friburg (offiziell Sport-Club Freiburg, abk. SCF) isch e Fuessballverein uss Friburg im Brisgau, wo anno 1912 dur d'Fusion vu dr Verein SV 04 Freiburg (gründet im März 1904, bis 1909 Freiburger FV 04) un FC Union Freiburg (gründet anno 1904 als FC Schwalbe Freiburg, später FC Mars Freiburg). entstande isch.

Näbenem Fuessball git's bim SC Friburg au noch e Tennisabdeilig. Im Fuessball spilt die erst Herremannschaft in dr Saison 2008/09 in dr Zweite, d'Damemannschaft in dr Erste Bundesliga

Dr Präsident vum SC Friburg isch dr Achim Stocker, wo zämme mitem Manager Dirk Dufner dr Verei leitet. Anno 2005 het dr Verei 2.700 Mitglider gha. D'Vereisfarbe sin rot un wiss.

[ändere] Vereisgschicht

[ändere] Ybersicht

Vu 1950 bis anno 1978 het dr SC Friburg in dr oberste Amateurklasse (domols d'Verbandsliga Südbade) gspilt. Dr SC Friburg isch no sit 1978 ununderbroche im dytsche Profifuessball verträtte: 1978-93 het dr Verei in dr 2. Liga gspilt, bevor dr Ufstig in d'Bundesliga glunge isch. Mit Usnahm vu dr Spilzitte 1997/98 un 2002/03 het dr Verei sitdem bis 2005 dr höchste dytsche Spilklasse aghört. Anno 1995 un 2001 het sich dr Verei fer dr UEFA-Pokal qualifiziert. Anno 1996 isch dr Verei in dr erste Rundi vum UEFA-Pokal nooch ere Heimniderlage gege Slavia Prag usgschiide un im Dezember 2001 bi dr zweite Deilnahm in dr dritte Rundi gege dr später Siger Feyenoord Rotterdam.

Dr Vereins-Präsident Achim Stocker (*1935) ghört sit 1971 dr Füehrigsrige an. Dr Trainer Volker Finke isch vuu 1991 bis 2007 im Amt gsi. Säll isch Rekord im dytsche Profifuessball. Dr zweitlängst amtierend Trainer isch dr Otto Rehhagel, wo vum April 1981 bis 1995 Werder Bremen trainiert het. Sit dr Spilzit 2007/08 träniert dr Robin Dutt dr Verei.

Heimstadion vum SC isch s'Friburger Badenova-Stadion mit 25.000 Plätz. S'Stadion het bis Juni 2004 Dreisamstadion gheisse, bevor d'Badenova d'Nammensrächte fer fimf Johr kauft het. Vili Fans uf dr Nordtribüne hän sich noh immer nit demit abgfunde un gehn immer noch ins Dreisamstadion. Bim Länderspil gege Luxeburg im Mai 2006 het dr DFB grundsätzlich numme vum Friburger Stadion gschwätzt. Näbe dr 2.-Bundesliga-Mannschaft vu dr Herre het dr SC Freiburg au e rächt erfolgriichi Frauemannschaft, wo in dr 1. Bundesliga spilt.

Dr SC Friburg isch, wil er chei WM-Stadion chriegt het, vum Standort her gegenyber andere Profi-Clubs in andere Städt sit dr ledschde paar Johre ime starche Noochdeil, wil sälli dur grösseri Kapazitäte e besseri wirtschaftlichi Grundlage hän.

Sit 2001 betribt dr Club d'Friburger Fuessballschuel fer d'Noochwuxförderig uffem Gelände vum Friburger Möslistadion. Dr SC Friburg het säll Glände im ehemolige Lokalrivale Friburger FC abchauft.

[ändere] Plazierige vu dr letzte 25 Johr

Sämtlichi Platzierige ab dr Saison 1912/13 finde sich under w:de:SC_Freiburg/Platzierungen.

[ändere] Stadie

Badenova- (Dreisam-)Stadion

• ohni eigeni Spilstätte (1904–1928)
• Winterer-Stadion (1928–1937)
• ohni eigeni Spilstätte (1937–1945)
• Mitbenutzig vu dr Alag vu dr Friburger Turnerschaft vu 1844 e.V. (1945–1954).
• Dreisamstadion sit 1954. S'Stadion lit im östliche Stadtbezirk 310 Waldsee an dr Schwarzwaldstross. D'Alag isch erst 1970 mit 480 Sitzplätze usgstattet worre, bevor no acht Johr später – nooch em Ufstig in die 2. Bundesliga – dr erste gross Usbau bevorgstande isch. Bi dr Ybernahm vum Traineramt dur dr Volker Finke isch d'Zuschauerkapazität bi grad mol 12.500 gläge, wobi in dr 1980er Johre menkmol grad 2000 Lüt zue dr Heimspiler in dr 2. Liga chumme sin. Friburg het nit als Fuessballstadt gulte. In dr Ära Finke het e bemerkenswerte Zueschauerboom igsetzt un s'Stadion isch yber mehreri Spilzitte immer usverchauft gsi, sogar, wo d'Kapazität die hütige 25.000 erreicht gha het. Sit dr Abstiigssaison 2004/05 het aber e Ruckgang vu dr Zueschauerzahle igsetzt.

• Im Summer 2004 isch s'Dreisamstadion fier zuenächst fimf Johr in Badenova-Stadion umdaift worre. Zwei Photovoltaik-Kraftwercher stehn uffem Dach. D'Iwihig vu dr erste Photovoltaik-Alag isch zu dr grosse Belustigig vu dr Zueschauer bi eme Obendspil erfolgt. D'Raseheizig wird umweltschonend mit Stirlingmotore betribe.

[ändere] Spiler

[ändere] Aktueller Kader

Name	Ruckenummere	Nationalität	bore	im Verei sitt	letzter Verei
Trainer
Dutt, Robin			1965	2007	Stuttgarter Kickers
Tor
Langer, Michael	21		1985	2008	VfB Stuttgart
Müller, Michael	39		1989	2007	eigeni Jugend
Abwehr
Barth, Oliver	15		1979	2007	Fortuna Düsseldorf
Butscher, Heiko	5		1980	2007	VfL Bochum
Krmaš, Pavel	2		1980	2007	FK Teplice
Schwaab, Daniel	19		1988	2000	SC Friburg II
Toprak, Ömer	4		1989	2005	Eigeni Jugend
Middelfeld
Abdessadki, Yacine	6		1981	2008	Racing Strasbourg
Banovic, Ivica	20		1980	2007	1. FC Nürnberg
Bechmann, Tommy	13		1981	2008	VfL Bochum
Flum, Johannes	18		1988	2008	SC Pfulledorf
Glockner, Andreas	19		1988	1998	SC Friburg II
Güneş, Ali	7		1978	2007	Besiktas JK
Konrad, Manuel	29		1988	1998	Eigeni Jugend
Mehring, Maximilian	27		1986	2002	SC Friburg II
Ollé Ollé, Alain Junior	17		1987	2008	Nacional Montevideo
Schlitte, Kevin	14		1981	2007	FC Carl Zeiss Jena
Schuster, Julian	23		1985	2008	VfB Stuttgart
Uzoma, Eke	22		1989	2005	Eigeni Jugend
Sturm
Bencik, Henrich	25		1978	2006	1. FC Saarbrücken
Idrissou, Mohammadou	8		1980	2008	MSV Duisburg
Jäger, Jonathan	11		1978	2007	1. FC Saarbrücken
Mesic, Mirnes	9		1978	2007	SC Friburg (A)
Roth, Felix	16		1987	2002	SC Friburg II
Türker, Suat	10		1976	2008	Kickers Offenbach
Stand: 29. Juni 2008

[ändere] Transfers

[ändere] Ehemoligi Spiler (Uswahl)

[ändere] Trainer

Dr Volker Finke, 1991-2007 Trainer vum SC Friburg

Vochher hän meistens alddienti Spiler s'Training ybernumme.

[ändere] Witterfüehrendi Informatione

[ändere] Literatur

• Alex Grömminger: Sportclub Freiburg live. Die Saison 1994/95: Vom Klassenerhalt in den Uefa-Cup, rsg. Alex Grömminger un Sportclub Freiburg, Friburg 1996 (ISBN 3000001034).
• Christoph Herko: Ohne Schiri habt ihr keine Chance. Die besten Fan-Gesänge zum SC Freiburg, Friburg 2000 (ISBN 3933483239).
• Horst Maikranz: Nasenleim für den SC Freiburg, Chinderbuech, Friburg 1998 (ISBN 3980599132).
• Gilles Mebes: Der SC Freiburg und der Ernst des Lebens, Friburg 1999 (ISBN 3933483182).
• Toni Nachbar und Otto Schnekenburger: SC Freiburg - Der lange Weg zum kurzen Pass, Göttinge 2002 (ISBN 3895333352).
• Dietrich zur Nedden(Hrsg.): Das Freiburger-Fieber; ein Lesebuch zm SC Freiburg, Frankfurt am Main, Simaden 1995 (ISBN 3927515493).
• Marc Rebstock und Jörg Saalmüller: Der 12. Mann. Die Fußballfans des SC Freiburg, Oberried 1996 (ISBN 3931992012).
• Sport-Club Freiburg (Hrsg.): Hundert Jahre 90 Minuten: Die Geschichte des SC Freiburg von 1904-2004, Dokumentation: Peter Martin, Friburg 2004.
• Robert Kauer (Hrsg.): Phänomen Freiburg 1 - Der Aufstieg, Friburg 1993.
• Robert Kauer (Hrsg.): Phänomen Freiburg 2 - Eine unendliche Geschichte, Friburg 1994.
• Robert Kauer (Hrsg.): Phänomen Freiburg 3 - Mitten in Europa, Friburg 1995.

[ändere] DVD

• Mit langem Anlauf – 100 Jahre SC Freiburg; 37 min., hrsg. vum SC Friburg

[ändere] Webgleicher

• Internetuftritt vum SC Freiburg
• Fangmei vum SC Friburg
• Internetuftritt vu dr Ultras Friburg
• Fan-Internetuftritt mit Verwiise uf anderi Site
• Informatione zum Verei un zum Stadion