Eidgenossenschaft

Us der alemannische Wikipedia, der freie Dialäkt-Enzyklopedy

Die Alti Eidgenosseschaft im 18. Johrhundert

Eidgenosseschaft isch de offizielli Name für de Schwiizerischi Bundesstaat vo 1848. Er berueht uf de Ideeä vom 19. Jahrhundert über de Rütlischwur, luut em Bundesbrief en Eid, wo 1291 die drüü Urkantön gleischtet händ, mitem Inhalt, dass si sich gäge d Habsburger biischtaa händ welle und en eigeni Grichtsbarkeit underhalte.

Eidgenosse isch die konventionelli Übersetzig vom latinische Begriff conspiratores (eigentlich "Verschwörer") im Bundesbrief worde, und de Begriff Eidgenosseschaft wird speziell uf de alti Bund, vo 1353 bis 1501 "acht-ortig", und vo 1513 bis zum Iimarsch vo de Franzose 1798 13-ortig.

De offizielli Name Schweizerische Eidgenossenschaft isch nach 1848 ehner äs nostalgisches Relikt, und i de andere Bundes-Spraache heisst d'Schwiiz eifach "Schwiizerbund" (und uf Latiinisch, Confoederatio Helvetica "Helvetische Bund", au en ehner anachronistische Name, wo vor allem dur d'Romantik erchlärt isch). Eidgenoss als ä Bezeichnig für en Schwiizer wird dementsprächend au fascht nume no ironisch pruucht.

Übrigens chunnt s franzeesisch Wort Huguenot vo "Idgenoot/Idgenoos"(Eidgenoss), wo urschprünglich die franzeesische Proteschtante bezeichnet het (d Hugenotte).

[ändere] Die Alti Eidgenosseschaft

[ändere] Die drizäh souveräne Kantön

Die 13 Alten Ort und s Gebiet, wo si im 18. Johrhundert diräkt beherrscht hai.

D Reihenfolge undenoch isch draditionell. S Johr vom Biidritt isch in Chlammere

VIII Ort

• Stadt Züri (1351)
• Stadt Bärn (1353)
• Stadt Luzern (1332)
• Land Uri (1291)
• Land Schwyz (1291)
• Land Unterwalde (Obwalde und Nidwalde) (1291)
• Land Glarus (1352/86)
• Stadt und Land Zug (1352)

X Ort

• Stadt Freiburg (1481), sit 1454 Zuegewandte Ort
• Stadt Solodurn (1481), sit 1353 Zuegewandte Ort

XII Ort

• Stadt Basel (1501)
• Stadt Schaffhuuse (1501), sit 1454 Zuegewandte Ort

XIII Ort

• Land Appezell (1513), sit 1411 Zuegewandte Ort

[ändere] Die Zuegewandten Ort

Die Zuegewandten Ort vo der Alten Eidgenosseschaft im 18. Johrhundert

Noch der Johreszahl vom Bündniss si d Näme vo de eidgenössischen Ort, wo s Bündniss abgschlosse hai.

Die «ängere Zuegwandte»

• Stadt Biel (1353); Bärn, Freiburg, Solodurn, nominell under der Oberhoheit vom Fürstbistum Basel.
• Fürstabtei St. Gallen (1451); Züri, Luzern, Glarus und Schwyz.
• Stadt St. Gallen (1454); Züri, Bärn, Luzern, Schwyz, Zug, Glarus.

Die «Ewige Mitverbündete»

• Republik Wallis (1416/17); Luzern, Uri, Unterwalden; 1475 Bärn; 1529 Schwyz, Zug, Freiburg; 1533 Solodurn.
• Freistaat vo de Drei Bünd (1497/99); Züri, Luzern, Uri, Schwyz, Unterwalde, Zug, Glarus; 1600 Wallis; 1602 Bärn; nach 1618 eigentlig nume no Bärn und Züri.

Die evangelische Zugewandte

• Stadt Mülhuuse (1515/86); XII Orte; 1586 nume no Züri, Bärn, Glarus, Schaffhuuse, Basel.
• Stadt Gämf (1519/36); Bärn, Freiburg; 1558 nume no Bärn; 1584 Züri, Bärn.

Anderi Verbündeti

• Grafschaft Neueburg (1406/1529); Bärn, Solodurn; 1495 Freiburg; 1501 Luzern.
• Talschaft Ursere (1317–1410); Uri; 1410 zu Uri
• Weggis (1332–1380); Uri, Schwyz, Unterwalden, Luzern; 1480 zu Luzern
• Stadt Murte (1353–1475); Bärn; 1475 Gmeini Herrschaft
• Stadt Payerne (1353–1536); Bärn; 1536 zu Bärn
• Talschaften Saane und Château-d'Œx (1403–1555) (Hochgreyerz, Deil vo der Grafschaft Greyerz); Bärn; 1555 zu Bärn
• Bellinzona (1407–1419); Uri, Obwalden; 1419–22 Gmeini Herrschaft
• Grafschaft Sargans (1437–1483); Schwyz, Glarus; 1483 Gmeini Herrschaft
• Freiherrschaft Sax-Forstegg (1458–1615); Züri; 1615 zu Züri
• Stadt Schdei am Rhii (1459–1484) Züri, Schaffhuuse; 1484 zu Züri
• Grafschaft Greyerz (Niedergreyerz) (1475–1555); 1555 zu Freiburg
• Grafschaft Werdeberg (1493–1517); Luzern; 1517 zu Glarus
• Stadt Rottwiil (1519–1689); XIII Orte; nach 1632 nume no Luzern, Uri, Schwyz, Unterwalden, Zug, Solodurn, Freiburg
• Fürstbistum Basel (1579–1735); Luzern, Uri, Schwyz, Unterwalde, Zug, Solodurn, Freiburg,